زعمة الرئيس يريضش ويركحش : قيس سعيّد يتصدر نوايا التصويت في الرئاسيّة بـ91.9% وفي التشريعية الدستوري الحر بـ30.8 %



أقوى خطاب وجهتوا عبير موسي لقيس سعيد وللسياسيي وللطبوبي ولماجول ولراضية الجربي وغيرهم من اشباه السياسيين الصامتين اللي يهلوا ويكبرو وايالهو نحنوا الحزب الاقوى في البلاد وما زلنا الاقوى والدليل امامكم .. عبير موسي الشعب قاللكم الحوانجية دمروا لبلاد .. جوعوا الشعب .. فقرونا 10 سنين .. قالولكم خلصونا منهم .. اما اللي نراو فيه خطير فم شكون يحب يتخلص من الدساترة .. فم اشكون يحب يتخلص من الحزب الدستوري .. هذا كلامكم انتوما والخوانجية كيف كيف .. احنا لواه خرجنا يا توانسة على خاتر منعونا من عقد المؤتمر امتاعنا الانتخابي .. هذا يعتبر اعتداء على فئة واسعة من الشعب التونسي .. هذه نقطة سوداء و وصمة عار في تاريخ تونس وكل من يفكر مجرد التفكير من التخلص من حزبنا .. احنا حبينا نقولو لرئيس الجمهورية التاريخ لن يرحم انك اليوم تمنع انعقاد مؤتمر حزب وقت كل لعباد قاعدة تتحرك وتنشط .. نحب نقول للمنظمات الوطنية ومنظمات المجتمع المدني اليوم ساكتة للي قاعد يصير للحزب الدستوري الحر نقول لسي للطبوبي وسي ماجول والاستاذة راضية الجربي .. اللي قاعد يصير مناهظ للحقو والحريات .. واللي ما يتكلمش بصوت عالي في الوقت هذا راه زايد بش يجي بعدتالي بش يعطينا دروس .. احنا قمنا بدورنا اقبل 25 جويلية فضحنا الخوانجية وكشفنا منظومة الدمار والخراب والفساد واعطيناكم .. الكرة اليوم في ملعب رئيس الجمهورية للتنفيذ .. نصحناه واعطيناه خريطة طريق امنية يتخلص من الجمعيات المشبوهة اولها مكتب القرضاوي قلنالوا الشي هذا الرئيس مسمعش ومتفاعلش .. عملنا نقاط تنويرية بش نهمو لعباد وللاو لعباد يقولولنا اسكتو ما تتكلموش وخليو الرئيس يخدم على روحو ومتشوش عليه ؟؟ احنا اخرجنا هون ما ناش مشوشين عليه .. حقنا وناخذوه وحزبنا ميزلنا الناضلوا فيه ولن نتوقف ... تو بش انخليو الكرة عندو ما عدناش بش ننصحوه وما عدناش بش النوروه وما عدناش بش نقولوا شي لانو ما يسمعش لا هو واللي دايرين به الكل ما يسمعوش ..... والطبقة السياسية الكل تفضل الصمت وعلى راسهم الاتحاد العام التونسي للشغل .... احنا بش نواصوا التنوير المباشر في صفوف الشعب من بنزرت الى بني قردان .. اي اساءة للحزب الدستوري والدساترة لن نقبلها مهما كان ماتاها وسنكون في الموعد ... اكثر من هذا اعملوا اللي تحبوا خوذوا خريطة طريق الي احبوا عليها .. واحنا بش نسكتوا ونخليوه يخدم ؟ ونخليوكم انتوما وين بش توصلوا ؟ نقولولكم سنكون في الموعد اول منحسسوا الخطر على الدولة اول منحسو الخطر يمس اسس الدولة وقت نحسوا حاجة تمس امن البلاد تلقاونا قدامكم سنصمد سنصمد سنصمد واحنا الدساترة حجر الواد هو يش نسكتو هو بش نشوفوكم فنا ثنية بش تمشيو؟ وتو نتكلموا وقت اللي يلزم بش نتكلموا ونتكلموا وقت اللي نحس فم خطر على البلاد .. متخافوش يا توانسة ديما معاكم .. ومنخليوهاش بيكم .. ومن خليوش حتى واحد يعلق الفشل متاع الرئيس علينا احنا .. كان مسكتش راه عمل ؟؟؟ والتنوير نستحفضوا بيه لرواحنا والناس اللي تسمع فينا في الشارع .. اللي صار اليوم وصمة عار هو نقولولكم سنبقى سنيقى ستبقى الصوت العالي في البلاد احنا الدساترة في ثورة التنوير يتواصل التنوير ويتواصل النضال وسنكون في الموعد سجل يا تاريخ سجل يا تاريخ موتمر التنوير .. وللحديث بقية انتظرونا



يتبع