بالفيديو نبكي على تونس ... ألفة الحامدي : تو هاذي رئيسة مديرة عامة للخطوط التونسية ولا مدير حماص الحومة ؟؟

بالفيديو نبكي على تونس ... ألفة الحامدي : تو هاذي رئيسة مديرة عامة للخطوط التونسية ولا مدير حماص الحومة ؟؟

https://image.noelshack.com/fichiers...e-tunisair.jpg

نبكي على تونس ... ماو قلناها ونعاودوها شعب غبي و مستهلك الاعلام سوق الفة الحامدي نجمة وعالمة ودكتورة ومهندسة وقالوا عندها برويطة شهايد ؟؟ عندها كان لكلام وطول اللسان؟؟ .. كادوريم احسن شخصية تونسية 2020؟؟ الشعبوية هي الناجحة في الوقت هذا في تونس..!!
ألفة الحامدي : تو هاذي رئيسة مديرة عامة متاع الخطوط التونسية ولا مدير حماص الحومة ؟؟ .. الفة الحامدي تبث في النعرات الجهوية ماذا تقصد انا قفصية بنت الحوض المنجمي؟؟ الفة الحامدي قالتلكم انا نصرف من جيبي على الخطوط التونسية ؟؟ الفة الحامدي قالتلكم انا محضرة روحي منذ اكثر من شهرين لمنصب المدير العام؟؟ تونس اليوم كل شيء ممكن .. لا عندنا رئيس كيف الدول .. لا عنذنا حكومة كيف الدول .. لا عندنا رئيس برلمان كيف الدول؟؟؟ مسكينة تونس قداش بش اتقاسي من الشعبوية ومن امثال قيس سعيد وسيف الدين مخلوف متاع الملح والبترول وراشد الغنوشي متاع الدين في خطر ونبيل القروي متاع المقرونة والصافي سعيد متاع كذا كذا كذا ولطفي المرايحي الغامض لا تعرفوا لاخوانجي و تقدمي كيف رئيسنا وحاتم بولبيار الخوانجي السابق وحمة الهمامي متاع انا ضد انا ضد انا ضد والفة الحامدي متاع برويطة الشهايد وغيرهم .. الفة الحامدي التي لا نعرف عنها شيء غير الكلام وطول اللسان والفيديو امامكم .. الفة الحامدي ادارة المشاريع الكبرى هي حكات على روحها .. اما قيناش شكون احكي اعليها في الخارج في ادارة المشاريع الكبرى .. لوكان ادارت مشاريع كبرى كما تدعي .. رانا قينا cv السيفي متاعها في الموسوعة الحرة ويكيبيديا؟؟؟؟ الي يحب ايصلح التونيزار يعمل في صمت .. وقت تصبح طائراتنا تقلع وتهبط في الوقت وتتحسن الخدمات وتتنحى السرقة في المطارات وقتها الشعب يحكم ويقيم النجاح... ملاحظة هامة الفة الحامدي زوبعة في فنجان اقترحها الاخشيدي وزيرة للخارجية في حكومة الحبيب الجملي ؟؟ وحدكم افهموا .. ممكن المرة الجاية يقترحها الاخشيدي رئيسة حكومة؟؟
كان مايعرفها حد في يوم وليلة تعرفت ولات نجمة ؟؟ اول ظهور اعلامي في اواخر 2019 استضافها ناجي الزعيري في قناة قرطاج +.. ثم استضفتها جميع القنوات التلفزية في البرامج الاخبارية والترفيهية والاذاعات الوطنية .. الفة الحامدي السيرة الذاتية .. العمر 32 سنة تحصلت على الباكالوريا 2007 .. تحصلت على الماجستير في الهندسة الصناعية من جامعة ليل سنة 2012 .. تحصلت على الماجستير ادارة اعمال من جامعة تكساس .. 2015 عادت الى تونس وعدات عام بطالة ... 2016 عادت الى الولايات المتحدة 2017 اسست شركة Start-up ولم تنجح فيها وتخلت عنها بعد 3 سنوات .. 2020 عاذت الى تونس و وكالعادة عدات عام بطالة .. 2021 رئيس مدير عام التونيزار؟؟ السؤال وقتاش خدمت في اكبر الشركات العالمية؟؟ وقتاش كسبت الخبرات في تسيير اكبر الشركات ؟؟

الفيديو الاول .. ألفة الحامدي أنا نكلّم فيكم من داخل طائرة قاعدين نصلّحو فيها و من المفروض ما نقعدش نضيّع في الوقت في مسائل جانبية .. ما شاء الله على الشعبوية متاع الرئيسة المديرة العامة للخطوط التونسية؟؟



الفيديو الثاني ألفة الحامدي كلام مع طول اللسان : تو هاذي رئيسة مديرة عامة متاع الخطوط التونسية ولا مدير حماص الحومة ؟؟ الفة الحامدي قالتلكم انا نصرف من جيبي على الخطوط التونسية ؟؟ الفة الحامدي قالتلكم انا محضرة روحي منذ اكثر من شهرين لمنصب المدير العام؟؟

https://image.noelshack.com/fichiers...isair-2021.jpg