طبيب انعاش جاء من كندا وكلا طريحة في استعجالي بن عروس!










كتب: الاعلامي حسان بلواعر هذا صديقي و عشيري الدكتور Issa Darraji ..واحد من زوز اطباء اللي تم الاعتداء عليهم من طرف مجرمة في مستشفى الياسمينات…bon شفت و قريت برشة تضامن معاه .. قلت عادة نحكيلكم حاجات ما تعرفوهاش عليه . بش تفهمو هالبلاد وين ماشية عيسى تعرفت عليه في صيف 2016 في كندا تحديدا في مونت ريال وين كان يخدم و شايخ يضرب يسطع في سبيطار خير مالوتلة اللي عنا يخلص بالدولار ..بقدره و يسوق في jeep كحلة تفتق قام نهار وسوسلو الشيطان قالو برا روح لتونس ..بلادك محتاجتك ..ناقصين طبة متع انعاش ..قام من حينو قص تسكرة بش يجي يخدم في تونس في اطار برنامج تعاون بين كندا و تونس و بعد قال لا ..ما يجيش منو نروح ..خلي نزيد نخدم المرة هذي مع وزارة الصحة . الدنيا ماكلة بعضها و محتاجين اي طبيب ..اكاهو خدم في طمبك الموجة الاولى في الsamu تعدى بالكورونا ..و بعد نقل لمستشفى الياسمينات لين كلا طريحة .و بعد نستغربو كيفاش الاطباء هاجروا و قطعوا من هالبلاد .عيسى . لا اتضامن معك ..نشكرك على وقفة مع بلادك في هالازمة الكبيرة .. و كي توفى ..برا روح ارجع لبلاد تقدرك و تحميك ..