نكتة على أسد و ثعلب ونمس وقطيع من الضبع تقتل بالضحك موش نورمال ههههه

نكتة على ثعلب ونمس وقطيع من الضبع بالدموع تقتل بالضحك موش نورمال ههههه



https://i.ibb.co/R0HtZKX/nokta-3alamia-tounsia.jpg


يحكى عن أسد ملك الغابة كبر في العمر حتى صحتوا عمال التالي مات مقهور من الغدر والخيانة من أقرب الناس ليه من مستشارو الخاص و رئيس حكومة الغابة متاعوا .. عرفتوه شكونوا رئيس حكومة الغابة .. هو السيد اللي قالولو نهار من نهارات شكونك انت جاوبهم انا خالي لحصان ههه ، السيد اعمل كيف لبغل اللي سالوا شكونك انت جاوبهم لبغل خالي لحصان ههههه !!! المستشار الغدار ورئيس حكومة الغابة الغدار تحالفوا من أجل البقاء في الحكم مع رئيس قطيع الضباع المفترسة اللي كلاو لخضر واليابس وشيحوا الدنيا ولليوم خلاو الغابة شايحة.



فما نمس كان مستشار عند الاسد ملك الغابة عندو صاحبو ثعلب كلفوا ملك الغابة المتوفي الله يرحموا بش ايعاونوا في تسيير الغابة ... ياخي عجبتوا البلاصة وقرر هو وصاحبو النمس بش (ينقلبوا على الملك متاع الغابة) ... فاق بيهم ملك الغابة المتقدم في العمر الي صحتوا تعبت وعمال التالي ... حب اينحي الثعلب الماكر و النمس المعاون امتاعو ... ياخي النمس والثعلب اتفاهموا بش (يلعبوا لعبة امسخة كيفهم) ... طلع الثعلب على ربوة ونادى سكان الغابة الكل (بش ايغطي الفساد والفشل امتاعو) !!! توجه بخطاب لجميع سكان الغابة .. قاللهم راه ملك الغابة ناويلكم على الشر وناوي (ايورث الشبل ولدو) بش يحكمكم من بعدوا .. اني خايف اعليكم لا يقطعلكم ارزاقكم و يقتلكم بالشر والعطش على خاتر الشبل ولد الأسد ملك الغابة دايرين بيه كمشة فساد في حزب بوه (نداء الغابة) ناويلكم على الشر وموش بش ايخليلكم لا أخضر ولا يابس ... وزاد الثعلب نائب ملك الغابة: حاولت بش انحارب الفساد الي في الغابة ياخي ولد ملك الغابة مولا حزب (نداء الغابة) الي ناويلكم على الشر ما خلانيش... ايا صفقولوا الضبعات متاع الغابة ... اهبط الثعلب من على الربوة بعد ما وصل فكرتوا لسكان الغابة .. فما بارشا ضبعات عداها اعليهم ... سي الثعلب الماكر !!! بعد الخطاب تلاقى هو و صاحبو النمس وتفاهموا كيفاش بش يبداو ينقلبوا على (ملك الغابة المريض والمتقدم في السن) ... سي النمس قال للثعلب (ناكلوه اقبل ما يكلنا) الثعلب قالوا كيفاش ؟؟؟ جاوبوا النمس عندي فكرة: تاوا انا بش نستقيل من خدمتي عند الأسد وتاو نعمل دورة في الغابة و أنا انجيبلي (الضبعات امتاع الأسد) بش نخدموا بهم في الأيام الجاية وتاو انوريك فيه الأسد ملك الغابة الي ما (نقتلو بالحمصة والقهرة) ... و هكا كان العمل .. النمس بدأ يخدم في خدمتو أعمل دورة كبيرة في الغابة وجاب معاه 53 ضبع قدمهم للثعلب الغدار الماكر .. ايا تفاهموا بش يعملوا بيهم تكتل في مجلس حكم الغابة .. و بعد ما فات الفوت فاق بيهم ملك الغابة و حاول بش اينحي الثعلب الماكر الغدار من منصبو ياخي ما نجمش ... تعرفوش النمس والثعلب اش عملوا .. اتفاهموا مع رئيس قطيع الضبع و 68 ضبع خوانجي في الغابة وبعض ملي غدروا بالأسد المريض بش ايصوتوا للثعلب الماكر الغدار في مجلس حكم الغابة بش ايخليوه يحكم بالسيف من الأسد .. مسكين الأسد كي اسمع كيفاش داروا اعليه جماعتوا وغدروا بيه حط في قلبو ومرض وتعب وصارفيه ... أيا بعد (العملة لمشومة الي عملوها في الأسد).. (النمس والثعلب و 53 ضبع اتفاهموا يش يعملوا حزب) سماوه(تحيا الغابة) بش ايكسروا بيه حزب ملك الغابة (نداء الغابة) .. ملخص الهدرة النمس والثعلب المكار وصلوا وحققوا مبتغاهم وكسروا حزب ولد ملك الغابة ... الملك متاع الغابة مات بالقهرة ... وعلى اثر موت ملك الغابة قرر مجلس حكم الغابة بش يعملوا انتخابات مبكرة بش ينتخبوا ملك خلفا للأسد الي مات من القهرة ... سي الثعلب الماكر والغدار والخائن اتقدم للانتخابات يحب ايولي ملك على الغابة ... !!!! أول حاجة أعملها وريقلها دخل رئيس حزب قلب أسد الغابة في الحبس مريقل وقال ما في باليش !!! والحكاية تنادي يا بابا يا اما ( العضمة ما تقول تق كان ما فيها شق) ..!!! .. تتصوروش ياناس انو ثعلب مكار وخائن وغدار وفاشل بش يرضاوا بيه سكان الغابة بش يحكمهم .. بعد ما كان يحكم فيهم أسد عندو خبرة طويلة في حكم الغابة أكثر من 60 عام .. الله يرحم الأسد الي غلط غلطة كبيرة انو حط ايدو فيد الثعلب الماكر وفي ايد خوانجية الغابة الي غدروا بيه لين مات بالحمصة الله يرحمو ... فما واحد برك مغدرش بيه وما خانوش وأعملو جنازة تليق بمقامو هو رئيس جيش الغابة انسان ثقة ونظيف ياسر وعندو خبرة طويلة في تسيير دواليب الحكم في الغابة ... وفي الاخير ان شا الله استمتعتم بقصة كليلة وزعتر وملك الغابة رحمه الله و اشنوة صار فيه من جراء الثقة الزايدة في النمس والثعلب والضباع الخوانجية متاع الغابة ... !!! نصيحة لسكان الغابة انهم ما عادوش يحصلوا و يلزمهم يختاروا واحد ثقة وعندو خبرة في تسيير غابتهم .. الغابة يلزم يحكموها ناس ثقة وعندهم خبرة.... الغابة يزيها من الناس الفاشلة والي ما يفهموا شيئ بالعربي اغلب المترشحين لمنصب ملك الغابة بكلهم جايين يتعلموا في الحجامة في رؤوس اليتامى ... وفما حاجة بش تقعد وصمة عار في وجه الثعلب الماكر الي ريقل رئيس قلب الغابة ودكو في الحبس (مرييييييييييييقل) والخيانة العظمى للأسد الى وصلوا للحكم ثم غدر به وتحالفة مع رئيس قطيع الضبع باش يقعد في الالغابة يحكم وان شاء الله ربي يطلع فيه هو ورئيس قطيع الضبع وكل من خان الاسد ان شاء الله الثعلب الماكر يلقى جزاه و يتريقل ... يحيا شعب الغابة (بلاش الثعلب الماكر والخائن الغابة أقوى) ...